ស្វែងយល់មុនការធ្វើធុរកិច្ច
- ទំព័រដើម
- ស្វែងយល់មុនការធ្វើធុរកិច្ច
- មានម្ចាស់តែមួយ
- ទទួលខុសត្រូវគ្មានកម្រិត
- គ្មាននីតិបុគ្គល
- ទ្រព្យនិងបំណុលរបស់សហគ្រាស និងទ្រព្យបំណុលបុគ្គល គឺជាទ្រព្យតែមួយ
- ក្រុមហ៊ុនមូលធនចែកចេញជា ២ ទ្រង់ទ្រាយគឺ ក្រុមហ៊ុនឯកជនទទួលខុសត្រូវមានកម្រិត និង ក្រុមហ៊ុនមហាជនទទួល ខុសត្រូវមានកម្រិត។
- ជាក្រុមហ៊ុនទទួលខុសត្រូវមានកម្រិត
- ម្ចាស់ភាគហ៊ុនទទួលខុសត្រូវត្រឺមចំនួនភាគហ៊ុនដែលខ្លួនបានទិញ
- ជានីតិបុគ្គលដាច់ដោយឡែកពីម្ចាស់
- គ្រប់គ្រង និង ដឹកនាំដោយក្រុមប្រឹក្សាភិបាល
- បង្កើតដោយលក្ខន្តិកៈ
- ភាពខុសគ្នារវាងក្រុមហ៊ុនឯកជនទទួលខុសត្រូវមានកម្រិត និង ក្រុមហ៊ុនមហាជនទទួលខុសត្រូវមានកម្រិត គឺស្ថិតនៅត្រង់ថាក្រុមហ៊ុនមហាជនទទួលខុសត្រូវមាន កម្រិតអាចបោះចេញមូលបត្រលក់ជាសាធារណៈបាន។
- ក្រុមហ៊ុនបរទេសចែកចេញជា ៣ ទ្រង់ទ្រាយគឺ សាខាក្រុមហ៊ុនបរទេស ការិយាល័យតំណាងពាណិជ្ជកម្ម និង បុត្រសម្ព័ន្ធ។
- ជាក្រុមហ៊ុនបង្កើតឡើងក្រោមច្បាប់ប្រទេសដទៃ
- មានទីតាំងពាណិជ្ជកម្មនៅព្រះរាជាណាចក្រកម្ពុជា
- ជាភ្នាក់ងារក្រុមហ៊ុនដើម
- ពុំមាននីតិបុគ្គលិកលក្ខណៈដាច់ដោយឡែកពីក្រុមហ៊ុនដើមឡើយ ចំពោះសាខាក្រុមហ៊ុនពាណិជ្ចកម្ម និង ការិយាល័យតំណាងពាណិជ្ជកម្ម
- ត្រូវចុះបញ្ជីក្នុងទម្រង់ក្រុមហ៊ុនសហកម្មសិទិ្ធ ឬ ក្រុមហ៊ុនមូលធនចំពោះបុត្រសម្ព័ន្ធ។
- ក្រុមហ៊ុនសហកម្មសិទ្ធិមានចែកចេញជា ២ ទ្រង់ទ្រាយគឺ ក្រុមហ៊ុនសហកម្មសិទ្ធិទូទៅ និង ក្រុមហ៊ុនសហកម្មសិទ្ធិមានកម្រិត។
- ជាក្រុមហ៊ុនទទួលខុសត្រូវគ្មានកម្រិត
- បង្តើតឡើងដោយកិច្ចសន្យាដែលមានបុគ្គលពីរអ្នកឡើងទៅ
- ជានីតិបុគ្គល
- គ្រប់គ្រងដោយសហកម្មសិទ្ធករទូទៅទាំងអស់
ការរៀបចំផែនការធុរកិច្ចគឺជាចំណុចចាប់ផ្ដើមមួយដែលចាំបាច់សម្រាប់ម្ចាស់អាជីវកម្ម ព្រោះផែនការធុរកិច្ចជួយតម្រង់ទិសផែនការសកម្មភាពអាជីវកម្ម ឱ្យមានប្រសិទ្ធភាព និង ទទួលបានលទ្ធផលដែលរំពឹងទុក។
- អ្នកត្រូវដឹងថាតើផែនការនេះធ្វើឡើងក្នុងគោលបំណងអ្វី ឬ ដើម្បីបង្ហាញនរណា ឬ តើអ្នកវិនិយោគរបស់អ្នកចង់ឃើញអ្វី ដើម្បីតម្រង់ទិសក្នុងការរៀបចំមាតិកា និង ទិន្នន័យនៅក្នុងផែនការនេះឱ្យមានប្រសិទ្ធភាពខ្ពស់។
- អ្នកវិនិយោគតែងតែចង់ដឹងពីស្ថានភាពហិរញ្ញវត្ថុរបស់អាជីវកម្ម ដូចជា ហិរញ្ញវត្ថុដែលមានស្រាប់ ហិរញ្ញវត្ថុដែលត្រូវការ និង ចំណូលដែលអ្នកគ្រោងនឹងទទួលបានមកវិញ។
- ផែនការសង្ខេបរបស់អ្នកត្រូវមានព័ត៌មានលម្អិតអំពីអាជីវកម្ម ទីផ្សារ គោលដៅ និង ចំនុចដែលធ្វើឱ្យអាជីវកម្មរបស់អ្នកខុស ពីអាជីវកម្មដទៃ។ អ្នកគួរសរសេរក្រោយពេលដែលអ្នកបានសរសេរផែនការធុរកិច្ចរួចរាល់ និងព្យាយាមសរសេរឱ្យខ្លី តែមានព័ត៌មានសំខាន់ៗនៅក្នុងនេះទាំងអស់។
- ផែនការសង្ខេបរបស់អ្នកត្រូវមានព័ត៌មានលម្អិតអំពីអាជីវកម្ម ទីផ្សារ គោលដៅ និង ចំនុចដែលធ្វើឱ្យអាជីវកម្មរបស់អ្នកខុសពីអាជីវកម្មដទៃ។ អ្នកគួរសរសេរក្រោយពេលដែលអ្នកបានសរសេរផែនការធុរកិច្ចរួចរាល់ និងព្យាយាមសរសេរឱ្យខ្លី តែមានព័ត៌មានសំខាន់ៗនៅក្នុងនេះទាំងអស់។
- ផែនការធុរកិច្ចតែងតែមានតម្រូវការក្នុងការកែសម្រួលទៅតាមស្ថានភាពជាក់ស្ដែងរបស់អាជីវកម្ម។ អ្នកត្រូវតែឧស្សាហ៍ប្រៀបធៀបលទ្ធផលជាក់ស្ដែងជាមួយនឹងផែនការ ដើម្បីមានព័ត៌មានគ្រប់ជ្រុងជ្រោយក្នុងការសម្រេចចិត្ត ឬ ស្វែងរកដំណោះស្រាយ។
- ផែនការអាជីវកម្មរបស់អ្នកអាចនឹងមានយុទ្ធសាស្រ្តទីផ្សារ យុទ្ធសាស្រ្តលក់ ព័ត៌មានផលិតផល ឬ សេវាកម្ម ដែលអ្នកចង់រក្សាទុកសម្រាប់ការធ្វើអាជីវកម្មរបស់អ្នក។ ដូចនេះ អ្នកគួរតែមានកិច្ចសន្យាររក្សាការសំងាត់ជាមួយនឹងមនុស្សដែលអ្នកចែករំលែនផែនការរបស់អ្នកជាមួយ។
- ការស្រាវជ្រាវផែនការទីផ្សារជួយឱ្យអ្នកយល់ពីអតិថិជនគោលដៅរបស់អ្នក ដៃគូប្រគួតប្រជែង និង តម្រូវការផលិតផល ឬ សេវាកម្មរបស់អ្នក។ អ្នកត្រូវកំណត់អតិថិជនគោលដៅឱ្យបានច្បាស់លាស់ និង សិក្សាពីចរិកលក្ខណៈនៃការទិញរបស់អតិថិជនគោលដៅរបស់អ្នក ដើម្បីរៀបយុទ្ធសាស្ត្រទីផ្សារបានជោគជ័យ។ លើ សពីនេះទៅទៀត អ្នកត្រូវវិភាគដៃគូប្រគួតប្រជែងរបស់អ្នក ឱ្យដឹងពីចំណុចខ្លាំង ចំណុចខ្សោយ ដើម្បីជាធាតុចូលក្នុងការសម្រេចចិត្តទៅលើយុទ្ធសាស្រ្តទីផ្សាររបស់អ្នក។
- មុននឹងសរសេរផែនការទីផ្សារ អ្នកត្រូវកំណត់ចរិកលក្ខណៈអាជីវកម្មរបស់អ្នកជាមុនសិន។ ការកំណត់ចរិកលក្ខណៈអាជីវកម្ម សំដៅដល់ថាតើអ្នកចង់ឱ្យអតិថិជនរបស់អ្នកមានអារម្មណ៍បែបណាទៅលើផលិតផល ឬ សេវាកម្មរបស់អ្នក។ តើផលិតផល ឬ សេវាកម្មរបស់អ្នកជាប្រភេទលំដាប់ខ្ពស់ ឬ ទាប ឬ សមរម្យ? តើអ្វីទៅដែលជាលក្ខណៈពិសេសនៃផលិតផល ឬ សេវាកម្មរបស់អ្នក?
- នៅពេលដែលអ្នកដឹងពីអតិថិជនគោលដៅ និង ចរិកលក្ខណៈផលិតផល ឬ សេវាកម្មរបស់អ្នកហើយ អ្នកអាចចាប់ផ្ដើមគិតពីគោលបំណងក្នុងការធ្វើទីផ្សាររបស់អ្នកបានយ៉ាងមានប្រសិទ្ធភាព។ គោលដៅទីផ្សាររបស់អ្នកអាចជា កំណើនចំណូល ការទាក់ទាញអតិថិជនថ្មីៗ ការដាក់លក់នូវផលិតផល ឬ សេវាកម្មថ្មី ការផ្សព្វផ្សាយពីឈ្មោះអាជីវកម្ម ឬ ការបង្កើនទំនុកចិត្តអតិថិជន។ ការកំណត់គោលដៅទីផ្សារគួរតែមានលក្ខណៈ SMART (Specific, Measurable, Achievable, Relevant and Time bound)។ មានន័យថាគោលដៅរបស់អ្នកត្រូវតែលម្អិត និង ច្បាស់លាស់ (Specific) វាយតម្លៃបាន (Measurable) សម្រេចបាន (Achievable) សមស្របទៅនឹងគោលដៅធុរកិច្ច (Relevant) និង មានពេលកំណត់ (Time bound)។
- អ្នកអាចចាប់ផ្ដើមដោយកំណត់នូវផលិតផល ឬ សេវាកម្ម តម្លៃ ទីតាំង អតិថិជន និង ការផ្សព្វផ្សាយ។ អ្នកគយរគិតគូពីសកម្មភាពផ្សព្វផ្សាយដែលមានកំណត់នូវអតិថិជនគោលដៅ កំណត់ប្រព័ន្ធផ្សព្ចផ្សាយ គម្រោងចំណាយ និង កំណត់ពេលវេលាជាក់លាក់។ អ្នកអាចគ្រោងសកម្មភាពច្រើនក្នុងពេលតែមួយ ដែលមានឥទ្ធិពលជួយគ្នាទៅវិញទៅមក ដូចជា ការផ្សាយតាមបណ្ដាញសង្គម ការផ្សាយតាមវិទ្យុ (អតិថិជនអាចស្ដាប់តាមឡាន) និង/ឬ ការបញ្ចុះតម្លៃនានា។
- អ្នកកំណត់គម្រោងចំណាយលើការធ្វើទីផ្សារឱ្យបានច្បាស់លាស់ ដោយមិនប៉ះពាល់ជាមួយនឹងថវិកាសម្រាប់សកម្មភាពផ្សេងទៀត ឬ ថវិកាសម្រាប់ទិញស្ដុកផលិតផល។ អ្នកត្រូវប្រាកដថា ការចំណាយរបស់អ្នកសមស្របនឹងផែនការទីផ្សារ និង ផែនការធុរកិច្ចរបស់អ្នក ដើម្បីទទួលបានលទ្ធផលរំពឹងទុកមកវិញ។ ការផ្សព្វផ្សាយមានច្រើនប្រភេទ និង មានតម្លៃខ្ពស់ ដូចនេះ អ្នកត្រូវគិតគូ ជ្រើសរើសជម្រើសដែលល្អបំផុត សម្រាប់អតិថិជនគោលដៅរបស់អ្នក។
- វាយតម្លៃក្រោយពេលធ្វើសកម្មភាពរួច ដើម្បីដឹងពីលទ្ធផលនៃសកម្មភាពនីមួយៗ។ កែតម្រូវសកម្មភាពដែលមានលទ្ធផលទាប និង បន្តសកម្មភាពដែលមានលទ្ធផលខ្ពស់ល្អ។ ស្វែងរកសកម្មភាពថ្មីៗ និង ពេញនិយម ដើម្បីទទូលបានការចាប់អារម្មណ៍ពីអតិថិជនជាបន្តបន្ទាប់។
អ្នកអាចស្វែងយល់ពីចំណុចខ្លាំង ចំណុចខ្សោយ ឱកាស និង បញ្ហាប្រឈម របស់អាជីវកម្មបានតាមរយៈកាតវិភាគទីផ្សារតាមយុទ្ធសាស្រ្ត SWOT។
អ្នកគួរតែប្រមូលទស្សនៈពីមនុស្សជំវិញខ្លួនឱ្យបានច្រើន ពិសេសអ្នកដែលនៅជិតអាជីវកម្មរបស់អ្នកបំផុត មានដូចជា បុគ្គលិក បងប្អូន អតិថិជន អ្នកប្រឹក្សាយោបល់ និង សិស្សច្បងនានា។ អ្នកនឹងចង់បានទស្សនៈពីមនុស្សផ្សេងៗគ្នា ដើម្បីជាធាតុចូលរួចទើបយកមកសំយោគជារួម។
អ្នកអាចប្រើសំណួរខាងក្រោមជាជំនួយក្នុងការបំផុសគំនិត រួចបង្កើតបញ្ជីអាទិភាពនៃចំណុចនីមួយៗ។ រាយកត្តាក្នុងប្រភេទនីមួយៗពីអាទិភាពខ្ពស់បំផុតទៅទាបបំផុត ដើម្បីងាយស្រួលវិភាគ។
- 1. តើយើងធ្វើអ្វីបានល្អ?
- យើងមានគុណភាពផលិតផល ឬសេវាកម្មល្អ - យើងមានយុទ្ធសាស្រ្តទីផ្សារខ្លាំង
- យើងមានដៃគូអាជីវកម្មល្អ
2. តើយើងធ្វើអ្វីបានល្អជាងដៃគូប្រកួតប្រជែងរបស់យើង?
- យើងមានតម្លៃសមរម្យ ទាបជាងដៃគូប្រកួតប្រជែង
- យើងមានទីតាំងនៅជិតអតិថិជនគោលដៅ
- យើងមានសេវាដឹកជញ្ជូនដោយឥតគិតថ្លៃ
3. តើយើងមានអ្វីពិសេសខ្លះ?
- យើងមានវត្ថុធាតុដើម មានគុណភាពល្អ និង តម្លៃទាប
- យើងមានដើមទុនគ្រប់គ្រាន់ក្នុងការធ្វើទីផ្សារ
- យើងមានអ្នកជំនាញច្បាស់លាស់
4. តើយើងមានអ្វីដែលអាចប្រកួតប្រជែងក្នុងទីផ្សារបាន?
- យើងមានគម្រោងទីផ្សារច្បាស់លាស់
- យើងបានសិក្សាទីផ្សារបានម៉ត់ចត់
- យើងមានដៃគូផ្សព្វផ្សាយដែលមានសក្ដានុពល
- 1. តើយើងអាចកែលម្អអ្វី និង កន្លែងណា?
- យើងមានធនធានមនុស្ស ឬបច្ចេកវិទ្យាដែលមានកម្រិត
- យើងមានទីផ្សារតូច ដែលត្រូវពង្រីក
2. តើគូប្រជែងរបស់យើងធ្វើអ្វីបានល្អជាង? តើអ្វីដែលកំណត់យើងដាច់ពីដៃគូប្រកួតប្រជែងរបស់យើង?
- យើងមានសេវាកម្មអតិថិជនមិនល្អ
- យើងមានបុគ្គលិកដែលមិនមានជំនាញច្បាស់លាស់
3. តើគម្លាតនៃធនធានរបស់យើងធំប៉ុណ្ណា (ដូចជាចំណេះដឹង សាច់ប្រាក់ ឬឧបករណ៍)?
- យើងមានជំនាញបច្ចេកទេសទាប
- យើងមានសុខភាពហិរញ្ញវត្ថុខ្សោយ
- យើងមានកង្វះឧបករណ៍ស្តង់ដារ
4. តើយើងអាចកែលម្អដំណើរការអាជីវកម្មដោយរបៀបណា?
- យើងត្រូវកែសម្រួលលំហូរនៃការងារផ្ទៃក្នុង
- យើងត្រូវធ្វើឱ្យប្រសើរឡើងនូវផលិតផល ឬសេវាកម្ម
- យើងត្រូវគ្រោងផែនការហិរញ្ញវត្ថុឱ្យបានល្អជាងមុន
- យើងត្រូវគ្រោងផែនការទីផ្សារឱ្យបានប្រសើសជាងមុន
- យើងត្រូវសម្រួលដល់បទពិសោធន៍អតិថិជននៅពេលទទួលសេវាកម្ម
- 1. តើនិន្នាការអ្វីខ្លះដែលយើងអាចប្រើជាប្រយោជន៍ ដើម្បីបង្កើនការប្រើប្រាស់ផលិតផល ឬ សេវាកម្មរបស់យើង?
- យើងអាចផ្សព្វផ្សាយតាមបណ្តាញសង្គម
- យើងត្រូវទទួលយកមតិអតិថិជនមកកែលម្អ
- យើងអាចប្រើប្រាស់បច្ចេកវិទ្យា AI ក្នុងការស្រាវជ្រាវ
2. តើមានការផ្លាស់ប្តូរ ឬព្រឹត្តិការណ៍ណាមួយដែលអាចជះឥទ្ធិពលវិជ្ជមានដល់យើង?
- ¬ព្រឹត្តិការណ៍ក្នុងសង្គមដែលអាចជាឱកាសក្នុងការផ្សព្វផ្សាយដល់អតិថិជនគោលដៅ
- បទបញ្ជា ឬគោលនយោបាយ ដែលលើកទឹកចិត្តដល់អាជីវកម្ម
- បច្ចេកវិទ្យាថ្មីដែលអាជីវកម្មអាចសាកល្បងបាន
3. តើមានអ្វីផ្លាស់ប្តូរនៅក្នុងទីផ្សារដែលបង្កើតឱកាសសម្រាប់យើង?
- ការកើនឡើងនៃការប្រើប្រាស់បច្ចេកវិទ្យានៅលើបណ្តាញសង្គម
- ការផ្លាស់ប្ដូរផ្នត់គំនិតថ្មីៗ ដូចជាការប្រើប្រាស់សម្ភារៈផ្លាស្ទិចតិចជាងមុន
4. តើសាធារណៈជនចូលចិត្តយើងទេ?
- ការទទួលយកនូវមតិយោបល់របស់អតិថិជន
- 1. តើកត្តាអ្វីខ្លះដែលអាចធ្វើឱ្យយើងប្រឈមនឹងហានិភ័យ ហួសពីការគ្រប់គ្រងរបស់យើង?
- ការប្រែប្រួលស្ថានភាពសេដ្ឋកិច្ច
- កំណើននៃដៃគូប្រកួតប្រជែង
- ការបាត់បង់ធនធានមនុស្ស
2. តើគូប្រគួតប្រជែងដែលមានសក្តានុពលអ្វីខ្លះអាចចូលក្នុងទីផ្សារ?
- គូប្រគួតប្រជែងអាចនឹងយកចំណុចខ្វះខាតរបស់យើងទៅធ្វើឱ្យល្អជាងយើង
- គូប្រគួតប្រជែងអាចនឹងចាប់យកទីតាំងដែលមានសក្ដានុពល
- គូប្រគួតប្រជែងអាចនឹងសាកល្បងយកអ្វីដែលថ្មី និង ទាន់សម័យមកក្នុងទីផ្សារ
3. តើការផ្គត់ផ្គង់ធនធាន និង សម្ភារៈនៃអាជីវកម្មមានស្ថេរភាព និង សុវត្ថិភាពឬទេ?
- ការប្រាកដថាអ្នកផ្គត់ផ្គង់មានលទ្ធភាពរក្សាស្ថេរភាពនៃការផ្គត់ផ្គង់
- ការប្រាកដថាឧបករណ៍ដែលប្រើប្រាស់មានសុវត្ថិភាពតាមស្ដង់ដា
- ការមានផែនការគ្រប់គ្រងហានិភ័យ
- ការមានស្គាល់អ្នកផ្គត់ផ្គង់ផ្សេងៗទៀតដើម្បីកាត់បន្ថយហានិភ័យ
4. តើមានការផ្លាស់ប្តូរ ឬ ព្រឹត្តិការណ៍ណាដែលជះឥទ្ធិពលអវិជ្ជមានដល់ប្រតិបត្តិការអាជីវកម្ម (ដូចជាអាកប្បកិរិយាអ្នកប្រើប្រាស់ បទបញ្ជា គោលនយោបាយ ឬបច្ចេកវិទ្យាថ្មី)?
- ព្រឹត្តិការណ៍ក្នុងសង្គមដែលអាចជះឥទ្ធិពលដល់អតិថិជនគោលដៅ
- បទបញ្ជា ឬគោលនយោបាយ ប៉ះពាល់ដល់ប្រតិបត្តិការអាជីវកម្ម
- បច្ចេកវិទ្យាថ្មីៗដែលពាក់ព័ន្ធ