ពន្ធប្រថាប់ត្រា

អត្រាពន្ធប្រថាប់ត្រា ចំពោះការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ត្រូវបានកំណត់តាមអត្រា ៤​%

មូលដ្ឋានគិតពន្ធគឺជាតម្លៃអចលនទ្រព្យសរុប (ដី ឬ ×នឹងសំណង់)។

តម្លៃអចលនទ្រព្យត្រូវបានកំណត់តាមលំដាប់អាទិភាព ដូចខាងក្រោម ៖

១. តម្លៃអចលនទ្រព្យ ដែលត្រូវបានកំណត់ក្នុងឧបសម្ព័ន្ធ របស់ក្រសួងសេដ្ឋកិច្ចនិងហិរញ្ញវត្ថុ។

២.តម្លៃអចលនទ្រព្យ ដែលត្រូវបានកំណត់ក្នុងកិច្ចសន្យាផ្ទេរកម្មសិទ្ធិ ឬសិទ្ធិកាន់កាប់ ឬលិខិតគតិយុត្តផ្សេងទៀត។

ពន្ធប្រថាប់ត្រាលើការផ្ទេរកម្មសិទ្ធិយានជំនិះត្រូវប្រមូលពីអ្នកទទួលសិទ្ធិ ឬហៅកាត់ថាអ្នកទិញ។ អ្នកជាប់ពន្ធមានកាតព្វកិច្ចដាក់លិខិត ប្រកាស និងបង់ប្រាក់ពន្ធប្រថាប់ត្រាឱ្យបានចប់សព្វគ្រប់ក្នុងរយៈពេល ៣ខែ បន្ទាប់ពីកាលបរិច្ឆេទនៃពាក្យស្នើសុំផ្ទេរកម្មសិទ្ធិយានជំនិះ របស់មន្ទីរសាធារណការ និងដឹកជញ្ជូន ។

អត្រាពន្ធប្រថាប់ត្រាលើការផ្ទេរកម្មសិទ្ធិយានជំនិះ ត្រូវកំណត់តាមអត្រា ៤% នៃតម្លៃមធ្យោបាយដឹកជញ្ជូន ឬយានយន្ត ចំពោះការផ្ទេរ កម្មសិទ្ធិ ឬសិទ្ធិកាន់កាប់មធ្យោបាយដឹកជញ្ជូន ឬយានយន្តគ្រប់ប្រភេទ។ មូលដ្ឋានគិតពន្ធប្រថាប់ត្រាលើការផ្ទេរកម្មសិទ្ធិយានជំនិះត្រូវ បានកំណត់តាមប្រភេទមធ្យោបាយដឹកជញ្ជូន ឬយានយន្ត និងឆ្នាំផលិតដូចខាងក្រោម ៖

១. ប្រភេទរថយន្តទេសចរណ៍(គិតតាមឆ្នាំផលិត និងទំហំស៊ីឡាំង)

២. ប្រភេទរថយន្តដឹកអ្នកដំណើរ (គិតតាមឆ្នាំផលិត និងចំនួនកៅអី)

៣. ប្រភេទរថយន្តដឹកទំនិញ (គិតតាមឆ្នាំផលិត និងទម្ងន់សរុប)

៤, ប្រភេទរ៉ឺម៉កសណ្តោងរថយន្ត ឬជលយាន (គិតតាមឆ្នាំផលិត និងទម្ងន់សរុប)

៥. ប្រភេទជួលយាន

• អូប័រ ដែលមានកម្លាំងលើសពី១៥០សេះ (គិតតាមឆ្នាំផលិត និងកម្លាំងសេះ)
• ទុក កាណូត កប៉ាល់ ស្រឡាង (គិតតាមឆ្នាំផលិត និងទម្ងន់សរុប)